Suenter la fin da la regenza conservativa da dretga en Austria ha il president dal stadi, Alexander Van der Bellen, saramentà l'emprima regenza d'experts dal pajais. La regenza duai manar il pajais fin tar las elecziuns dal parlament l’atun.
Ils dudesch ministers e ministras da la regenza èn tuts senza partida, rapporta la televisiun austriaca ORF. Manada vegn la regenza da Brigitte Bierlein, l’anteriura presidenta da la dretgira constituziunala. Bierlein è l’emprima chanceliera federala da l’Austria.
RR novitads 14:00
