Exteriur - Austria: FPÖ contesta il resultat d'elecziun
La partida populista FPÖ vul laschar examinar il resultat da l’elecziun dal president en l’Austria, che'è stada ils 22 da matg.
In pledader da la dretgira constiziunala a Vienna ha confermà sin Twitter che la FPÖ haja inoltrà ina dumonda correspundenta.
Al candidat da l’FPÖ, Norbert Hofer, avevan mancà 31'000 vuschs per vegnir elegì, la finala aveva il candidat independent Alexander van der Bellen gudagnà las elecziuns. Gia in temp avevan las medias speculà che l’FPÖ laschia anc ina giada dumbrar las vuschs decisivas.
