Siglir tar il cuntegn
Inhalt

Exteriur Austria offerescha als Sidtirolais la naziunalitad austriaca

L'Italia protesta cunter plans da la regenza Austriaca. Quella vul numnadamain offrir a burgaisas e burgais dal Tirol dal Sid che discurran Ladin u Tudestg, da survegnir la naziunalitad austriaca.

Eppan en il Tirol dal Sid.
Legenda: Ils plan da l'Austria per il Tirol dal Sid vegnan en il sid dal Brenner chapids sco provocaziun (foto: Eppan en il Tirol dal Sid). Keystone

La regenza taliana haja intervegnì ch'ina cumissiun a Vienna saja vid elavurar ina lescha correspundenta. Quai saja deplazzà per in stadi che presidieschia il cussegl da l'Uniun Europeica, uschia il ministeri da l'exteriur talian.

Ina idea extraordinaria

La nova regenza da l'Austria ha gia en lur nov program da la regenza la fin 2017 prendì si ils plans per dretg da naziunalitad dubla per ils Sidtirolais. L'Austria ha stuì dar gì il Tirol dal Sid a l'Italia il 1928 suenter ch'els han pers l'Emprima Guerra mundiala. Anc oz è tudestg la lingua materna da 70% dals Sidtirolais. I vegn dentant era anc discurrì Ladin en questa regiun. Tenor il ministeri a Roma saja l'idea da l'Austria extraordinaria.

RR novitads 15:00