Siglir tar il cuntegn

Exteriur Austria schlia il secret da banca

L'Austria vul schliar il secret da banca per persunas da l'exteriur. Quai ha la coaliziun cotschen-naira decidì a Vienna. Questa mesira fa part da la refurma da taglia che la regenza ha planisà. Sch'insatgi avra in nov conto en l'Austria duai il pajais d'origin da quest client vegnir infurmà.

Il chancelier austriac Werner Faymann
Legenda: Il chancelier da l'Austria, Werner Faymann durant ina conferenza da pressa. Keystone

Questa regla vala a partir da la fin 2016 u l'entschatta 2017. Oriundamain vuleva l'Austria introducir quest barat d'infurmaziun pir il 2018. Il parlament vul dentant concluder bainprest la refurma da taglia.

RR novitads 06:00