Latiers vul la dretgira dumandar fin 90 perditgas e sclerir sche l'elecziun dal president sto vegnir repetida cumplettamain u parzialmain.
Il candidat da la FPÖ, Norbert Hofer, aveva pers l'elecziun cunter il candidat dals Verds, Alexander Van der Bellen. Quai però cun ina differenza da sulet 31'000 vuschs. La FPÖ ha però localisà numeruas irregularitads tar l'elecziun ed uschia purtà plant en in document da 152 paginas. La FPÖ crititgescha principalmain ch'i saja vegnì fatg sbagls en connex cun la dumbraziun da las vuschs ch'èn vegnidas per posta.
RR novitads 17:00