Legenda:
La mesemna vegn il directori da VW a s’occupar cun il scandal da manipulaziun.
Keystone
cuntegn
Exteriur - Autoritads prendan en mira dapli producents d’autos da diesel
Suenter il scandal da manipulaziun da las valurs da svapur tras l’interpresa VW els Stadis Unids da l’America, controllescha l’Uffizi d’ambient american era autos da diesel dad autras marcas.
Tge marcas che vegnan controlladas n’è betg vegni communitgà. Agenturas da novitads americanas annunzian era, ch'il ministeri da giustia american investigheschia en chaussa. La Corea dal Sid ha medemamain annunzià da vulair controllar pli exact ils autos da diesel da VW ed Audi.
En vista al scandal da manipulaziun da las valurs da svapur tras l’interpresa VW els Stadis Unids, è il schef da VW en l'America Michael Horn s'exculpà.
