Siglir tar il cuntegn

Exteriur Avertiment d'ina lingua disfavuraivla davart ils fugitivs

Tgi che s'exprimia disfavuraivel davart fugitivs e migrants possia vegnir fatg responsabel per violenza, rassissem e fanatissem. Quai ha ditg l'autcumissari per dretgs umans da l'ONU, Seid Ra’ad al-Hussein a Genevra.

Seid Ra'ad al-Hussein, aut-cumissari da l'ONU
Legenda: Seid Ra'ad al-Hussein avertescha d'ina lingua disfavuraivla. Keystone

Il cumissari ha appellà als politichers da moderar lur tun e lur lingua areguard la crisa da fugitivs. Uschè prest ch'umans vegnian descrivids sco smanatscha, triep u sco invasurs entschaivi in process de-umanitar. Sche ostilitad cunter ils esters e demagogia determineschian l'agenda politica vegnia a dar dapli mortoris ed ina pli gronda brutalitad da la societad sco tala, uschia Seid.

RR novitads 6:00