Il traffic aviatic commerzial ha nudà l'onn passà cleramain pli paucas unfrendas che l'onn avant.L'onn 2019 hai dà 86 accidents cun gronds aviuns da lingia. Tranter quels otg accidents cun 257 morts. Quai ha ina interpresa per cussegliaziun dal traffic aviatic annunzià. L'onn 2018 hai dà 160 accidents, tranter quels 13 crudadas cun 534 morts.
Il pli grev accident d'aviun da l'onn passà è stà la crudada d'ina Boeing 737 Max da la Ethiopian Airlines il mars cun 157 unfrendas.
En media in accident mortal sin 5,58 milliuns sgols
La rata d'accidents tar il traffic aviatic commerzial munta en media in accident mortal sin 5,58 milliuns sgols. En questas cifras n'èn ils accidents da sgols militars, sgols da scolaziun, sgols privats e sgols da chargias cun helicopters betg cumpigliadas.
Ord l'archiv
RTR novitads 09:00