Exteriur Aviun glischna giu da la pista

Sin la plazza aviatica La Guardia a New York è in aviun da passagiers glischnà giu da la pista. L'aviun da la societad aviatica Delta saja atterrà durant ch’i cuflava ed haja cumenzà a glischnar, rapporta l'emettur NBC.

L'aviun suenter la glischnada giu da la pista. — Legenda: L'aviun suenter ch'el è glischnà giu da la pista. Keystone

Nagins dals 125 passagiers a bord sajan vegnids blessads. Tenor ils pumpiers da New York saja cullà ora kerosin ord la maschina. L'eroport ha serrà suenter l'accident. La Guardia è il pli pitschen dals 3 eroports da New York, dentant fitg impurtant per il traffic naziunal.

RR novitads 20:00

sda/cs

Novitads
Exteriur