L’aviun era para atterrà sin la plazza aviatica da Puntina/Innsbruck, scriva la polizia. Suenter avair tancà da nov l’aviun pareva tut en urden, ma la maschina ha alura pers autezza ed è crudada giu.
Che l’aviun vegniva or da la Svizra na veglia betg dir che las persunas a bord avevan era la naziunalitad svizra. Il departament federal d'affars exteriurs ha confermà sin dumonda da l'agentura da novitads svizra, ch'els sajan vid sclerir il cas. L'ambassada a Vienna stettia en stretg contact cun las autoritads localas.
RR novitads 16:00