Siglir tar il cuntegn

Header

Parts da l'aviun ch'è crudà giu.
Legenda: L'aviun da passagiers russ era crudà giu la fin d'october sur l'Egipta. Keystone
cuntegn

Exteriur Aviun russ è para crudà giu pervi dad ina bumba

La raschun per la crudada da l'aviun da passagiers russ sur l'Egipta è para ina bumba a bord, quai ha communitgà il servetsch secret russ. Ins possia dir ch'i sa tractia d'in attentat, ha ditg il president russ Wladimir Putin.

El ha empermess da chattar ils responsabels da l'attentat e da chastiar quels. Vinavant ha Putin annunzià da rinforzar las attatgas russas en la Siria. Tar la crudada da l'aviun russ sur la peninsla dal Sinai la fin d'october eran mortas 224 unfrendas.

Egipta na vesa nagins indizis per ina bumba a bord

Auter ch'il servetsch secret russ n'ha la cumissiun d'inquisiziun da l'Egipta betg chattà indizis per ina bumba a bord. Ina funtauna dal ministeri per il traffic aviatic ha ditg envers l'agentura da novitads dpa ch'ins n'haja chattà nagins fastizs per in'explosiun. Il sevetsch secret russ aveva ordavant communitgà, ch'ina bumba cun ina forza explosiva da 1,5 kilos TNT haja chaschunà la catastrofa.

RR novitads 10:00

Dapli da Exteriuravrir la Landingpage

Nach links scrollen Nach rechts scrollen