Exteriur - Aviuns han cumenzà a far sgols davent dal porta-aviuns franzos
Aviuns da cumbat franzos han cumenzà a far sgols davent dal porta-aviuns Charles de Gaulle. Tenor differentas agenturas da novitads n'èsi anc betg cler sch'ils sgols eran sgols d'exploraziun ubain attatgas or da l'aria cunter posiziuns dal Stadi Islamic en Siria ubain en l'Irac.
L'unic porta-aviuns da la Frantscha era partì dal port da la citad franzosa Toulon. La fin d'emna aveva el lura cuntanschì la costa da la Siria a l'ost da la mar mediterrana.
La Frantscha ha uss 38 aviuns d’armada en la regiun. 12 aviuns èn staziunads en la Jordania ed en ils Emirats Arabs Unids.
