Siglir tar il cuntegn
  1. Novitads
  2. Exteriur

Exteriur Avrir bancas per rentiers

A partir da damaun vul la Grezia avrir transitoricamain 1'000 filialas da banca per rentiers. Quai ha fatg a savair il ministeri da finanzas. Persunas pensiunadas senza cartas d'EC u da bancomat duain uschia vegnir tar daners. Ina gronda part da las rentas vegn pajada en daners bluts.

persunas pensiunadas spetgan avant las portas d'ina banca en Grezia
Legenda: Bainbaud duain intginas bancas en la Grezia avrir per pajair ora las rentas. Keystone

Per quest intent duain las bancas restar avertas enfin il venderdi. Suenter ch'ils discurs da debits cun ils crediturs internaziunals avevan fatg naufragi aveva la regenza greca annunzià da laschar serrà las bancas enfin glindesdi che vegn. Il mument po vegnir retratg als automats maximalmain 60 euros a di.

RR novitads 09:00

  1. Novitads
  2. Exteriur