Siglir tar il cuntegn

Header

cuntegn

Bahamas «Dorian» ha gia chaschunà 30 morts en las Bahamas

Suenter il hurican «Dorian» dovran radund 70'000 persunas sin las Bahamas urgentamain agid.

Suenter il hurican «Dorian» dovran radund 70'000 persunas sin las Bahamas urgentamain agid. Cunzunt aua da baiver netta, mangiativas ed alloschis provisorics. Quai ha communitgà il ministeri da sanadad dal stadi insular. Entant saja il dumber d’unfrendas s’augmentà da 20 sin 30. En blers lieus hajan las acziuns da salvament pir cumenzà. Cunzunt pertutgadas sajan las inslas en il nord dal stadi insular.

Il pli ferm che ha furià sur las Bahamas

Purtret da satellit dal stemprà Dorian.
Legenda: Il hurican Dorian ha furià sur las Bahamas. Keystone

«Dorian» ha furià cun spertezzas da vent fin 300 kilometers per ura. I sa tracta dal pli ferm hurican ch’ha insumma furià sur las Bahamas. Entant è Dorian avant la costa dal stadi South Carolina. El è vegnì degradà ad in hurican da la fermezza 2 da 5, tuttina furieschan ils vents cun spertadads fin 175 km/h.

RR novitads 06:00

Artitgels legids il pli savens