Exteriur - Ban Ki Moon visita il Haiti per far attent sin la situaziun
Il secretari general da las Naziuns Unidas Ban Ki Moon ha visità il sid da Haiti ch'è vegnì destruì dal hurrican «Matthew», quai per sez far in maletg da la situaziun.
El saja fitg trist davart la dimensiun da la destrucziun, uschia Ban tar si'arrivada a Les Cayes. Ordavant aveva el sursgulà la regiun destruida cun in helicopter. Ban ha empermess il sustegn da las Naziuns Unidas a las unfrendas. Ils umans da l'entir mund sajan cun els.
Tar il hurrican da l'emna passada èn mortas almain 540 persunas, radund 1,4 miliuns dovra urgentamain agid.
