Per cas che las tractativas tranter la regenza ed ils crediturs internaziunals n'hajan betg success, fiss quai l'entschatta d'ina via dolorusa, ha communitgà la banca centrala.
Evitar concurs saja necessitad istorica
Quella via manass la Grezia en il concurs, or da la zona da l'euro e probablamain era or da l'Uniun europeica. Ina cunvegna cun ils partenaris da l’euro e dal Fond monetar internaziunal saja perquai ina necessitad istorica.
Economia flaivla e memia pauc entradas da taglia
Ultra da quai avertescha la Banca centrala che l'economia greca perdia vinavant schlantsch il secund quartal. Tenor la pressa da finanzas haja la Grezia pers ils prims 5 mais da quest onn daners da taglia en l'autezza da 1,7 milliardas euros.
RR novitads 12:00