Enstagl da 0,3% ston las bancas pajar en l'avegnir 0,4%, sch'ellas parcheschan daners tar la banca centrala. Latiers ha la banca centrala europeica decidì da cumprar dapli emprests da stadi. Enstagl da 60 milliardas veglia ella pumpar 80 milliardas euros sin la fiera.
Franc è vegnì pli ferm
Curt suenter che questa novitad è vegnida enconuschenta è l'euro sa sbassà sut il cunfin da 1,09 francs. Cunquai dastgass la Banca naziunala vegnir sut squitsch da regir, sch’il franc na duai betg anc vegnir pli ferm. En in’emna rapporta ella davart la situaziun dal quartal.
RR novitads 14:00