La banca gronda taliana Unicredit sto pajar 1,3 milliardas dollars a las autoritads americanas. Quai perquai ch'ella e sia banca affiliada Hypovereinsbank hajan sur onns fatg transacziuns da tschients milliuns dollars cun l'Iran ed auters pajais. Cun quai hajan els violà sancziuns americanas.
Cun quai che Unicredit paja il chasti, laschan las autoritads dals Stadis Unids sco era l'institut d'emissiun american crudar las investigaziuns encunter la banca. Unicredit ha confermà ch'il chasti saja cuvert cun reservas ch'ins haja fatg.
RR novitads 06:00