Siglir tar il cuntegn

Header

cuntegn

Exteriur Banca mundiala avertescha da povradad extrema

La banca mundiala avertescha che 100 milliuns persunas pudessan ruschnar en la povradad extrema fin il 2030, sche la midada dal clima na vegn betg franada. Pertutgada saja cunzunt l'Africa, scriva la banca mundiala en ses rapport.

Tras la midada dal clima pudessan ils pretschs per victualias crescher marcantamain. Per l’Africa pudess quai esser ina ferma frida, perquai ch’ils pli povers en la regiun ston dar or 60% da lur entradas per victualias.

En l’India pudessan 45 milliuns daventar extrem povers

Er per umans en stadis da l’Asia dal Sid vesa la banca fitg gronds ristgs. En l’India pudessan la midada dal clima, l’instabilitad dal sectur agrar e la derasaziun da malsognas muntar povradad extrema per 45 milliuns persunas.

Avertiment curt avant conferenza da clima

Il rapport da la banca mundiala è cumparì paucas emnas avant la conferenza da clima da l’ONU. Quella ha lieu a partir dals 30 da november a Paris. A la conferenza sa participeschan 195 stadis e contracteschan sur d'ina cunvegna per reducir las emissiuns da gas en l'entir mund.

RR novitads 06:00

Artitgels legids il pli savens