Siglir tar il cuntegn

Exteriur Banca mundiala gida stadis cun blers fugitivs

En vista a las undas da fugitivs planisescha la Banca mundiala in program da milliardas per sustegnair ils stadis en las regiuns da crisa.

Jim Yong Kim tar in pled al pult
Legenda: Il president da la Banca mundiala Jim Yong Kim ha annunzià il program d'agid a la sessiun plenara da la Banca e dal Fondo monetar internaziunal a Lima. Keystone

Ensemen cun la "Banca islamica per il svilup" vul la "Banca mundiala" emetter credits extraordinaris. Quai ha ditg il president da la "Banca per il svilup" Jim Yong Kim.

Ils daners duain vegnir impundids per l'agid als fugitivs e la reconstrucziun en la regiun da l'Africa dal nord e dal Proxim Orient. Sulet en Siria vegnan ils custs da la destrucziun pervi da la guera civila stimads a 170 milliardas dollars. Passa 15 milliuns persunas han bandunà lur dachasa.

RR novitads 11:00