Siglir tar il cuntegn

Header

logo ed ura sur il portal d'entrada da la centrala a milano
Legenda: En la centrala da la "UniCredit" a Milano èn decisas mesiras da spargn urgentas sco stritgar 18'200 plazzas per meglierar la rendita e calmar ils investurs. Keystone
cuntegn

Exteriur Banca «UniCredit» stritga 18'200 plazzas

La banca gronda taliana «UniCredit» stritga ils proxims trais onns en divers pajais tut en tut 18'200 plazzas da lavur. Surtut l'Austria saja pertutgada da la reducziun da plazzas, annunzia la banca.

Uschia vul il schef da concern Federico Ghizzoni augmentar la rendita, meglierar la quota dal capital agen e mitigar ils investurs. Quests temevan in'ulteriur augment dal capital ch'avess reducì gudogn e rendita.

En l'Austria metta la «UniCredit» a disposiziun la rait da filialas da la "Bank Austria". Sin cumond dal concern ha lezza ubain da resturcturar sia rait da filialas, ubain da vender ella. Questa aveva sminuì ils gudogn ils emprims nov mais da 1,2 milliardas sin 660 milliuns euro. La banca «UniCredit» vul ultra da quai dischlocar sia centrala per las fatschentas da l'ost da l'Europa da Vienna a Milaun.

Tar la banca "UniCredit" lavuravan il 2014 passa 129'000 persunas.

RR novitads 20:00

Dapli da Exteriuravrir la Landingpage

Nach links scrollen Nach rechts scrollen