Questas mesiras duain evitar che la crisa en Grezia s'extendia era sin la Serbia. Las limitaziuns sajan però be transitoricas ed ils possessurs da contos na sajan betg pertutgads. Ultra da quai ha la Banca naziunala annunzià da controllar pli exact las 15 bancas greccas en Serbia.
Gia pli baud aveva la Macedonia instruì las bancas dal pajais da retrair tut lur dabuns tar bancas greccas.
Plinavant aveva la Banca centrala da la Macedonia annunzià ch'ella haja prendì mesiras per limitar il scul monetar en direcziun da la Grezia. Las mesiras valian dentant mo per in tschert temp.
Ils pass da la Macedonia è l'emprim segn concret ch'in pajais emprova da sa proteger cunter influenzas malsaunas en vista a la crisa en la Grezia.
RR novitads 7:00