Siglir tar il cuntegn
cuntegn

Exteriur Bancas grezias ston reducir credits marschs

Las bancas grecas stoppian reducir lur quota da credits marschs tant pli spert. Quai è per la schefa da la surveglianza da la Banca centrala europeica (EZB) l'emprima prioritad.

Bandiera greca.
Legenda: Las bancas grecas stoppian agir dapli e pli spert. Keystone

Las bancas grecas e la Banca centrala europeica (EZB) eran sa cunvegnidas da reducir la quota da credits marschs per 40% fin la fin 2019. Per cuntanscher quai stoppian ellas agir dapli e pli spert, è la schefa da la surveglianza da l'EZB Daniele Nouy da l'avis. Sch'ins cuntanschia la finamira hajan ils pajais da l'euro meglras pussaivladads dad investur lur daners en champs commerzials tradiziunals.

Summa da credits marschs

Tenor la Banca centrala europeica munta la summa da quels credits marschs en la zona da l’euro a radund 760 milliardas euros.

Da curt aveva l'agentura da rating auzà la nota da bonitad per la Grezia sin «B3». Dapi il 2010 è il pajais dependent da donaturs internaziunals. Il terz pachet d'agid en valita da fin 86 milliardas euros va a fin l'avust.

RR novitads 08:00