Las bancas grecas e la Banca centrala europeica (EZB) eran sa cunvegnidas da reducir la quota da credits marschs per 40% fin la fin 2019. Per cuntanscher quai stoppian ellas agir dapli e pli spert, è la schefa da la surveglianza da l'EZB Daniele Nouy da l'avis. Sch'ins cuntanschia la finamira hajan ils pajais da l'euro meglras pussaivladads dad investur lur daners en champs commerzials tradiziunals.
Da curt aveva l'agentura da rating auzà la nota da bonitad per la Grezia sin «B3». Dapi il 2010 è il pajais dependent da donaturs internaziunals. Il terz pachet d'agid en valita da fin 86 milliardas euros va a fin l'avust.
RR novitads 08:00