La band Viola Beach e lur manager èn sa disgraziads mortalmain tar in accident cun auto. Ils 4 musicists eran sin il viadi a chasa suenter ina preschentaziun a Stockholm. L'auto ha rut dapart ina barriera d'ina punt ed è crudà ord passa 25 meters en l'aua, quai ha communitgà la polizia svedaisa.
Ils 5 umens da Viola Beach eran tranter 20 e 33 onns vegls e n'han betg pudì vegnir salvads vivs. - L'onn passà avevan ils quatter musicists che vegnan da Warrington publitgà lur emprima Single «Swings&Waterslides». Lur producziun a Stockholm è stada l'emprima en l'exteriur.
RR novitads 20:00
