Legenda:
A Peking èsi vegnì decidì da bandischar dus parlamentaris da Hongkong.
Keystone
cuntegn
Exteriur - Bandischà dus novs delegads da Hongkong
Il congress dal pievel chinais ha bandischà dus nov-elegids delegads ord il parlament da Hongkong perquai ch’els beneventan l’independenza da Hongkong.
Ils dus avevan midà l'engirament a moda provocativa e renvià a la China lur fidaivladad. Deputads dal cussegl legislativ a Hongkong ston engirar lur fidaivladad sin la lescha fundamentala da la regiun d'administraziun speziala Hongkong.
Dumengia avevi dà a Hongkong confruntaziuns tranter la polizia e millis da demonstrants. Quels avevan protestà cunter che la China sa maschaidia en la giustia da Hongkong.
