Tenor il rapport hajan ins chattà en la chanalisaziun dal consulat saudiarab ad Istanbul restanzas d'acid. Perquai supponan ils investigaders tircs che las restanzas umanas dal schurnalist sajan vegnidas allontanadas a tala moda.
L’entschatta d’october era il schurnalist Jamal Khashoggi e criticher dal prinzi ereditar saudiarab Mohammed bin Salman entrà en il consulat e betg pli turnà anora. Suenter plirs dementis ha l’Arabia Saudita sut squitsch internaziunal concedì d’avair mazzà il criticher dal reschim. Fin uss n’èsi però betg cler tge ch’è capità cun la bara da Jamal Khashoggi.
RR novitads 14:00
