Barbara Bush saja turnada grev-malsauna da l’ospital ed haja refusà in ulteriur tractament. Durant il temp d’uffizi da ses um era Barbara Bush fitg populara. Suenter ses temp en la Chas’Alva è Barbara Bush tranter auter s’engaschada per l’alfabetisaziun.
Barbara e George Bush èn stads maridads 73 onns. Els han gì 6 uffants.
Il president Donald Trump e sia dunna Melania han undrà l’anteriura First Lady sco «advocata da las famiglias americanas». Ins vegnia anc ditg a regurdar dad ella. L’anteriur president Bill Clinton ha numnà Barbara Bush ina «dunna remartgabla» ch’haja mussà co ina vita dinamica e cumplenida guardian ora.
RR actualitad 06:00
