Ord vista da la guarda da costa fiss Malta stà responsabel per il salvament. La bartga dals migrants saja dentant vegnida senza agid ester fin en il port da l'insla Lampedusa. Quai ha communitgà la guardia da costa taliana.
Dapi ch'il minister da l'intern talian Matteo Salvini fa ina politica dira cunter la migraziun, arrivan mo pli paucs migrants en il pajais. Fin uss èn var 400 migrants arrivads quest mais. Ils migrants derivan da l'Eritrea, Ghana e da la Siria.
RR novitads 15:00