Il lieu da l'explosiun en il port da Ludwigshafen è era 2 dis suenter l'explosiun betg accessibel. La scheffa da persunal da BASF aveva gia declerà che las restricziuns da producziun sajan substanzialas. Là producescha il concern tudestg bleras substanzas da basa per numerus auters materials.
La disgrazia ha chaschunà fin uss trais morts. Dus pumpiers dal manaschi avevan ins chattà curt suenter la disgrazia. Ina terza bara han sfunsaders chattà la mesemna, i sa tracta probablamain d’in um sparì dapi la disgrazia. 8 persunas èn vegnidas blessadas grevamain, 17 levamain.
RR novitads 16:00