Siglir tar il cuntegn

Header

cuntegn

Exteriur Bastiment da guerra american collidescha cun ina nav-cisterna

Avant la costa da Singapur è il bastiment american «USS John S. McCain» collidà cun ina nav-cisterna. Diesch schuldads americans èn sparids e tschintg èn blessads. L'aviatica militara da Singapur gida da tschertgar e salvar ils pertutgads.

Tenor emprimas indicaziuns è il bastiment american donnegià en la part davos. Il motiv da la collisiun cun il bastiment da commerzi «Alnic MC» e l'autezza dal donn n'èn anc betg cler. Il bastiment era sin in viadi da rutina sin en l'ost da la «via da Malakka».

L'istorgia sa repeta

Pir avant dus mais è il bastiment da guerra «USS Fitzgerald» collidada avant il Giapun cun in bastiment da containers. Lura èn 7 mariniers americans vegnids per la vita. Il bastiment american è vegnì donnegià uschè ferm ch'el fiss bunamain sfundrà. Sco consequenza da l'accident dals 21 da zercladur èn trais cumandants da l'equipa vegnids suspendids.

RR novitads 06:00

Artitgels legids il pli savens