Las prognosas per la conjunctura en la zona da l'euro na cuntentan betg, ha ditg Draghi. L’economia creschi circa tuttina sco el segund quartal dal onn, là era l’economia en ils 19 pajas da l’euro creschida per 0,3%. Draghi ha ditg vinavant che l’economia pudess era tschessar, damai che tscherts pajas dal euro na fan betg vinavant cun las refurmas.
Il tschains directiv resta sin il bass da record da 0,05%
Il tschains directiv bass da la Banca centrala procura che las bancas pon retrair cun cundiziuns fitg favuraivlas daners da la Banca centrala. Quest tschains da record bass vala gia varga 1 onn dapi il settember 2014.
Ultra da quai emprova la Banca centrala europeica dapi il mars da sustegnair la conjunctura en l'Europa cun cumprar emprests dals stadis ed autras valurs.
Enfin uss ha la Banca centrala europeica cumprà mintga mais per 60 milliardas euros emprestas da stadi. La summa totala munta enfin ils 16. d'october a 371 milliardas euros. la Banca centrala europeica vul cumprar vinavant emprestas da stadi quai almain enfin il settember 2016.
RR novitads 15:00