Siglir tar il cuntegn
cuntegn

Exteriur Be anc dar vinavant messadis a 5 persunas

Part d'in display da telefonin cun logo da WhatsApp.
Legenda: WhatsApp restrenscha da spedir vinavant messadis. Keystone

Cun las novas versiuns da WhatsApp possian ins dar vinavant messadis mo anc a 5 retschaviders, ha communitgà la figlia da Facebook. Fin uss han ins pudì spedir vinavant fin 20 giadas in messadi. La mesira stat en connex cun il cumbat da faussas novitads.

La stad passada ha WhatsApp introducì ina tala restricziun en l'India sin squitsch da la regenza. En il pajais avevan fulas da glieud lintschà passa 20 persunas suenter ch'igl è vegnì distribuì sur WhatsApp che questas persunas hajan rapinà uffants u fatg auters crims.

RR novitads 07:00