Siglir tar il cuntegn
Inhalt

Exteriur Beate Zschäpe sto ir en praschun per vita duranta

Ina dretgira a Minca ha sentenzià la terrorista dal NSU pervi dad assassinat en diesch cas. Ella fa recurs cunter la sentenzia.

Dunna davos in policist.
Legenda: Sto ir en praschun per vita duranta: Beate Zschäpe. Keystone

Praschun a vita duranta per la terrorista da la dretga Beate Zschäpe. Ella è l'accusada principala en il process cunter la gruppa dal terror NSU («Nationalsozialistischer Untergrund»).

Per il tribunal superiur da Minca èsi cumprovà che la Tudestga da 43 onns è culpabla per diesch assassinats. Ils derschaders han decidì il chasti maximal ed era constatà ina spezial greva culpa. Il process cunter Zschäpe ha cuzzà passa tschintg onns.

Activ durant plirs onns

Tranter ils onns 2000 e 2007 aveva la gruppa «Nationalsozialistischer Untergrund» mazzà pliras persunas, cunzunt tircas. Ils dus umens involvids dasper Zschäpe avevan fatg suicidi cura che la polizia als aveva scuvrì.

Entant ha il defensur da Zschäpe annunzià da far recurs cunter la sentenzia.

RR novitads 11:00