Belgia: Chauma impedescha traffic da viafier

En la Belgia procura ina chauma il segund di en seria per impediments considerabels tar il traffic da viafier.

Demonstrants en la Belgia. Bild in Lightbox öffnen.

Legenda da maletgs: En la Belgia datti protests cunter la politica da spargn da la regenza. Keystone

Tenor la societad da viafier SNCB crodan tut las colliaziuns en il sid dal pajais. En il nord èn pertutgadas 60% da las colliaziuns.

Il trens ad auta sveltezza Thalys sajan vegnids annullads cumplettamain. Cunquai èn er pertutgads ils passagiers che vulan viagiar da la Germania, la Frantscha u l'Ollanda en la Belgia.

La chauma sa drizza cunter la politica da spargn dal primminister Charles Michel. Ils sindicats èn da l’opiniun che quellas tutgian surtut il servetsch public ed il sectur da furmaziun.

RR novitads 09:00