Siglir tar il cuntegn
cuntegn

Exteriur Berlusconi vul returnar en ils gremis politics

Il schef da la partida da la dretga «Forza Italia» candidescha il matg per il parlament europeic. Quai ha Silvio Berlusconi, communitgà ad in'occurrenza sin la Sardinia.

Purtret Silvio Berlusconi
Legenda: Berlusconi n'è anc betg stanchel da la politica. Reuters

El veglia terminar la regenza actuala da l'Italia, uschia l'anteriur primminister talian Silvio Berlusconi. La coaliziun tranter la Lega ed il moviment Cinque Stelle na saja betg natirala. Perquai haja el decidì da vulair returnar en ils gremis politics, quai cun 82 onns. La fin da matg vegn elegì il parlament europeic.

Berlusconi era vegnì sentenzià il 2013 pervi da fraud fiscal. El aveva survegnì in scumond d'uffizi da tschintg onns. La primavaira passada han ins lura abolì quest scumond.

RR novitads 17:00