Siglir tar il cuntegn

Header

Tschients da fugitivs arrivan a Stockholm suenter in lung viadi atras numerus pajas da l’UE.
Legenda: Tschients da fugitivs arrivan a Stockholm suenter in lung viadi atras numerus pajas da l’UE. Keystone
cuntegn

Exteriur Betg plaz pli per dapli fugitivs en Svezia

Suenter la Grezia e l'Italia vul ussa era la Svezia dar giu fugitivs ad auters stadis da l'Uniun europeica. La cumissiun da l'UE ha confermà che la Svezia haja inoltrà la dumonda e quai sco suletta sper l'Italia e la Grezia.

La fin settember eran ils stadis da l'UE sa cunvegnids da reparter total 160'000 fugitivs da l'Italia e la Grezia sin auters stadis commembers. Da quest program vul la Svezia pia era far part.

La Svezia na possia betg pli garantir dimora als fugitivs, ha ditg il minister d'immigraziun svedais Morgan Johansson. Il cunfin dal realistic saja cuntanschì. Fugitivs ch'arrivian ussa stoppian turnar en il Danemarc ubain en Germania.

RR novitads 15:00

Dapli da Exteriuravrir la Landingpage

Nach links scrollen Nach rechts scrollen