Il directur da l'administraziun d'antica a Palmyra, Maamun Abdulkarim, è levgià. El aveva quintà cun destrucziuns pli radicalas en la part antica da la citad. Quai ha el ditg a l'agentura da novitads AFP. Curt suenter che l'armada siriana ha deliberà la citad ord ils mauns da la gruppa da terror Stadi Islamic han ils responsabels prendì invista. Tenor il directur èsi pussibel da reconstruir ils scazis destruids.
Dapi il matg en mauns da terrorists
Palmyra era dapi il matg passà en ils mauns da la gruppa da terror Stadi Islamic. La milissa aveva schoccà il mund entras assassinadas brutalas en las ruinas da la citad antica ed entras la destrucziun da dus tempels da grond'impurtanza, dal artg da triumf e da numerusas fossas.
La dumengia da Pasca ha l'armada siriana rapportà ch'ella haja reconquistà la citad Palmyra.
RR novitads 12:00