Al-Sawahiri saja stà cumpiglià a moda decisiva vi da las attatgas dals 11 da settember 2001, uschia Biden. 2'977 persunas eran vegnidas mazzadas là. L'acziun encunter il manader saja vegnida realisada cun ina drona ed il manader saja er l'unica unfrenda. Civilists na sajan betg vegnids per la vita.
L'Egipzian al-Sawahiri era il successur dad Osama bin Laden, che valeva sco il chau da las attatgas da terror dals 11 da settember. Bin Laden è vegnì mazzà il 2011 dad ina unitad spezialisada americana.
Mazzà sin il balcun da sez zup a Kabul
Ina represchentanta da la regenza dals Stadis Unids haja ditg ch'ins haja preparà sur mais l'attatga. El saja la finala vegnì mazzà cura ch'el saja vegnì ora sin il balcun da ses zup a Kabul. Nagins dals parents dad al-Sawiris, ch'eran en la chasa sajan vegnids blessads. La represchentanta ha accentuà che naginas forzas militaras da l'USA sajan stadas da quest temp a Kabul.
Tenor las enconuschientschas dals Stadis Undis hajan commembers da la regenza dals talibans savì ch'il schef da la Al-Kaida saja stà en la chapitala da l'Afganistan, ha la represchentanta declerà vinavant. Cun quai hajan ils talibans cleramain cuntrafatg a cunvegnas cun ils Stadis Unids.