En la Bielorussia gudogna Alexander Lukaschenko l'elecziun presidiala – cun 80% da las vuschs. La candidata da l'opposiziun Swetlana Tichanowskaja vegnia sin 9,9% ha la cumissiun electorala annunzià. Tichanowskaja refusa d'acceptar il resultat.
L'elecziun è stada dispitaivla. L'opposiziun discurra da manipulaziun. Suenter l'elecziun ier, èn millis da persunas idas sin via en la chapitala Minsk ed autras citads. Observaders internaziunals n'han betg survegnì access als locals d'elecziun. Lukaschenko regia la Bielorussia dapi l'onn 1994 a moda autoritara.