Medias rapportan, ch'ils attatgaders hajan plazzà in auto cun in bumba davant l’entrada dal bajetg. Suenter la detunaziun hajan las persunas attatgà cun armas la polizia.
L’agentura da novitads Dogan rapporta, che la staziun da polizia en la citad Cinar saja vegnida donnegiada grevamain. Suenter l’explosiun da la bumba haja quai dà attatgas cun rachetas ed armas.
Conflict tranter regenza e PKK gia dapi decennis
Responsabla per las attatgas saja la partida scumandada curda PKK, uschia l’agentura Dogan. La PKK n’ha dentant anc betg surpiglia la responsabladad.
Il conflict tranter la regenza ad Ankara e la PKK - che cuzza gia dapi plirs decennis - era danovamain escalà la stad passada. Il process da pasch era uschia vegnì franà. L'armada en il territoris dals Curds en il sidost dal pajais cumbattan ils activists dapi il december cun tutta forza. En pliras citads regian bunamain circumstanzas da guerra.
RR novitads 06:00 / 08:00