Blers fieus en la California èn uss sut controlla

Ils pumpiers en la California dal nord han uss per gronda part enta pugn ils incendis dal guaud, rapportan medias localas.

Las restanzas d’in abitadi en la vischinanza da Clearlake en la California. Bild in Lightbox öffnen.

Legenda da maletgs: Las restanzas d’in abitadi en la vischinanza da Clearlake en la California. Keystone

Agid han ils pumpiers survegnì da l’aura, venderdi aveva quai cumenzà lev a plover. In pumpier ha dentant pers la vita en la regiun dal Lake Tahoe.

Dapi mez fanadur aveva il fieu chaschunà donns sin radund 280 kilometers quadrat, quai è circa la surfatscha dal chantun Genevra. En tut èn 43 chasas vegnidas destruidas, e temporarmain eran 3’600 pumpiers en acziun. La setgira ed chametgs avevan fatg rut ora ils incendis dal guaud.

RR Novitads 16:00