Siglir tar il cuntegn

Header

Uffants fugitivs sirians en ina scola a Karapurcek, Ankara en la Tirchia.
Legenda: Uffants fugitivs sirians en ina scola a Karapurcek, Ankara en la Tirchia. Reuters
cuntegn

Exteriur Blers uffants sirians en Tirchia na pon betg ir a scola

Dus terz dals uffants da scola dals fugitivs sirians en Tirchia na van para betg a scola. Da radund 700’000 uffants sirians èn sulet 200’000 ids a scola scriva, l’organisaziun per ils dretgs umans Human Rights Watch.

La mancanza d’educaziun po avair consequenzas dramaticas per in’entira generaziun, scriva Human Rights Watch. Per ils uffants smanatscha il privel da sa tschentar sin via u d’ir enavos e cumbatter en la Siria; ils uffants vegnian radicalisads sco extremists ni morian sin la mar en viadi vers l’Europa.

Access a scolas è be dà sin il palpiri

L’organisaziun Human Rights Watch pretenda da la Tirchia e la communitad internaziunala da segirar l’educaziun per uffants sirians en Tirchia.

Tenor ina directiva dal ministeri d’educaziun tirc pon uffants sirians bain visitar scolas statalas dapi il settember 2014. En la pratica na survegnian uffants da lingua estra dentant strusch sustegn. Latiers ston blers uffants lavurar per sustegnair lur famiglias.

RR novitads 10:00

Dapli da Exteriuravrir la Landingpage

Nach links scrollen Nach rechts scrollen