L'Egipta vul avrir ses cunfin en la Strivla da Gaza per furniziuns d'agid umanitar. Kairo haja dà il pled a l'ONU d'avrir il passagi da cunfin tar Rafah, uschia il pledader da las Naziuns Unidas a New York. Per gliez ha il secretari general da l'ONU Antonio Guterres engrazià a l'Egipta.
Per ch'il passagi possia però vegnir duvrà e na daventia betg ina mira dovria surtut er il consentiment da l'Israel. Rafah è il sulet passagi da cunfin da la Strivla da Gaza en l'Egipta, tut ils auters mainan en l'Israel. Quels ha l'Israel però serrà ed ordinà ina bloccada da l'entir territori.
Naginas victualias e nagin carburant po pli cuntanscher la populaziun dapi sonda. Plinavant ha Israel er tschentà gì l'electricitad a Gaza. Quai suenter l'attatga da la Hamas ch'operescha davent da Gaza e controllescha la strivla.