Bob Dylan il nov purtader dal Premi Nobel da litteratura n'è fin uss anc betg sa mussà impressiunà ch'el ha survegnì il premi Nobel.
Tar in concert a Las Vegas n'ha il musicist da 75 onns menziunà cun gnanc in pled la gronda distincziun.
Fin uss n’ha Bob Dylan anc betg prendì encunter il telefon da l’academia svedaisa che vuless gugent gratular a Dylan sin sia distincziun. L’academia haja discurrì cun ils agents da Dylan e cun ils responsabels da sia turnea, ha ditg in represchentant da l’academia a Stockholm. Ma direct cun il victur n’haja l’academia betg pudì discurrer.
