Siglir tar il cuntegn

Exteriur Böhmermann turna

La gievgia turna il moderatur tudestg Jan Böhmermann cun sia emissiun Neo Magazin Royale en televisiun. En il decurs da l’affera enturn il president tirc Erdogan aveva Böhmerann fatg pausa da la publicitad.

portrait da Jan Böhmermann
Legenda: Jan Böhmermann turna puspè enavos al visur. Keystone

Radund in mais è Böhmermann stà quiet suenter che Recep Tayyip Erdogan aveva purtà plant encunter el. Entant n'è il satiricher betg mo puspè activ en la rait, el è er s'exprimì envers la gasetta Die Zeit: La chanceliera Angela Merkel haja filetà el e fatg or dad el ina versiun tudestga da l'artist chinais Ai Weiwei.

Tge che Jan Böhmermann vegn a preschentar en sia emissiun da return, gievgia ils 12-05-2015, è strusch enconuschent, sulettamain ch'il politicher da la sanestra Gregor Gysi è giast en l'emissiun.