La sparta d'aviuns che transportan passagiers e rauba ha sco i para patì il pli fitg. Per spargnar custs vegnian er stritgadas plazzas dal cader. I na saja dentant betg planisà da relaschar persunal, ma l’interpresa spera che las persunas giajan voluntarmain. Plazzas che vegnan libras na duain betg pli vegnir occupadas. Tut en tut crodan davent 2,5% da las radund 160'000 plazzas.
Grondas sperditas l'onn 2015
Il construider d’aviuns aveva annunzia l’ultim quartal dal 2015 sperditas da fin ad in terz. Ina grond'influenza ha gì la reducziun da la producziun dals Jumbo-Jets 747-8. Tar ils aviuns da traffic era la svieuta perquai sa reducida per 7%. Gia il favrer aveva Boeing annunzià da vulair stritgar plazzas.
RR novitads 10:00