Il president iranais Hassan Ruhani ha numnà la milissa islamica Boko Haram ina vargugna per l’islam e l’umanitad. Boko Haram ageschia el num da l’isalm, mo quai ch’els faschian n’haja da far nagut cun l’islam. Quai communitgescha ina agentura da novitads iranaisa.
Gruppas sco Boko Haram duain vegnir cumbattidas da tut ils pajas, ha ditg Rohani durant in inscunter cun l’ambassadur nigerian en la chapitala iranaisa Teheran.
Boko Haram agescha en il nord-ost da la Nigeria e vul fundar in stadi islamic. Ils ultims onns èn mortas dapli che 15’000 persunas d’attentats ni cumbats.
