Siglir tar il cuntegn

Header

Purtret dad Evo Morales.
Legenda: Evo Morales ha demissiunà. Keystone
cuntegn

Bolivia Forzas da segirezza vulan mantegnair urden public

Suenter ch’il president Evo Morales ha demissiunà surprendentamain, datti in vacum da pussanza en la Bolivia. Per restabilir l’urden public ha la polizia dumandà l’armada per agid.

Ensemen cun la polizia vegnia l’armada a far il necessari per evitar anc dapli unfrendas. Quai ha ditg il cumandant da l’armada. Els vegnian cunzunt a cumbatter vandals che derasian tema tar la populaziun.

Asil en il Mexico

Entant saja Morales sin via en il Mexico, nua ch’el haja survegnì asil – sco el sez ha communitgà via Twitter. Il Mexico ha declerà da dar asil a Morales per motivs umanitars: La vita da l’anteriur president saja en privel en la Bolivia.

Cun sia demissiun ha Morales reagì sin il squitsch da la polizia e da l’armada. Ad el vegn renfatschà d’avair manipulà l’elecziun dal president ils 20 d’october.

Successiun betg clera

I n’è actualmain anc betg cler, tgi che duaja manar il pajais sidamerican enfin las novas elecziuns.

Ord l'archiv da SRF:

Video
Impressiuns da las protestas en Bolivia
Or da News-Clip dals 11.11.2019.
laschar ir

RR novitads 06:00