Siglir tar il cuntegn

Header

Navigaziun

Purtret da Jair Bolsonaro che guarda serius.
Legenda: Jair Bolsonaro sposta in'operaziun per vegnir al WEF a Tavau. Keystone
cuntegn

Exteriur Bolsonaro conferma participaziun al WEF

La visita en Svizra vegn ad esser ses emprim viadi en l’exteriur sco president brasilian. Il WEF è ils 21 fin ils 25 da schaner. Radund 3'000 represchentants da la politica, l’economia e la scienza èn s’annunziads. Tranter auter è er il president american Donald Trump puspè da la partida.

Il president brasilian Jair Bolsonaro ha declerà ch'el haja spustà in'operaziun sin fin schaner, per ch'el possia viagiar a Tavau. I sa tracta d'ina operaziun sco consequenza d'ina attatga brutala dals 6 da settember 2018 sin Bolsonaro. El era vegnì attatgà durant ina occurenza per il cumbat electoral en il sid da la Brasilia ed era vegnì blessà grevamain.

Suenter l'operaziun sto Bolsonaro ruassar per almain tschintg fin set dis en l'ospital. En tut sto Bolsonaro pausar per radund duas emnas.

RR novitads 10:00