Siglir tar il cuntegn

Header

cuntegn

Bosnia-Erzegovina Commemoraziun al genocid da Srebrenica avant 25 onns

Tar ina festa da commemoraziun a Potocari han Bosnia-Erzegovina e politichers da tut il mund commemorà la mazzacra da Srebrenica d'avant 25 onns.

Parents da las unfrendas, politichers bosniacs e diplomat da l'exteriur han mess flurs al monument. Giasts auts dad auters stadis n'han betg pudì vegnir a la commemoraziun, pervi dal coronavirus. Persuenter hai dà pleds per video, per exempel dal secretari general da l'ONU António Guterres.

Tar la mazzacra a Srebrenica en l'ost da la Bosnia eran vegnids mazzads ils 11 da fanadur 1995 radund 8'000 umens e buobs muslims da federaziuns bosniac-serbas. L'atrocitad comessa durant la guerra da la Bosnia (1992-1995) vala sco l'emprim genocid sin plaun europeic, dapi la fin da la segunda guerra mundiala il 1945.

Il tribunal internaziunal per la Jugoslavia a Den Haag ha sentenzià ils instigaders principals da la mazzacra, l'anteriur president serb-bosniac Radovan Karadzic e l'anteriur manader da l'armada Ratko Mladic pervi da genocid. Politichers a la testa da la part serba da la Bosnia snegan fin oz l'existenza dal genocid.

video
Commemoraziun commuentonta per la mazzacra da Srebrenica
Or da SRF News dals 11.07.2020.
laschar ir

RTR novitads 15:00

Artitgels legids il pli savens

Scrollar a sanestra Scrollar a dretga